Grup Lawak Batak: Nai Malvinas

Lapo Tuak, Namasa 4 Comments

gambar poster download mp3 buka apm record grup lawak batak kartu nai malvinas group joy tobing timba lautTingki gelleng, adong do manang piga kaset grup lawak batak Nai Malvinas on di jabu nami. Tingki i kaset dope na populer, ndang masa dope CD, VCD, manang DVD hera na masa-masa saonnari. Huingot dope, marpungu ma hami sakeluarga, adong na mangan, adong na modom-modom, adong na paiashon jabu, ale sai dipaihut-ihut hami do lawakan ni Nai Malvinas on. Sibuk pe dohot kegiatan na masing-masing, ale rap mengkel do mambege hata-hata si Nai Malvinas dohot dongan na. Na huingot dongan na holan si Timba Laut, si Bunthora dohot si Kotor Ulu molo ndang sala.

Nunga leleng mago kaset si Nai Malvinas i sian jabu nami. Nga piga hali pindah jabu, lak mago-mago di pardalanan do angka barang-barang, terutama angka kaset-kaset. Adong do muse tahe na disegai anak ni namboru dohot anak ni tulang na gelleng. Songon na tabo di roha na mungkin manarik-narik pita ni kaset i.

Opat taon na salpu sanga do hubege lawak ni Nai Malvinas di bus Makmur tujuan Sibolga-Medan. Iadung pe ahu marbangku tempel sian Sibolga-Tarutung, ndang terasa loja na. Ala na luccuan angka lawak ni si Nai Malvinas dohot dongan na i. Molo adong na mamboto, dalan sian Sibolga-Tarutung ndang “friendly”, na godangan tikungan na jala si bahen uta tu penumpang naso tahan dioyong di dalan i. Ale untung ma tingki i diputar lawak on, gabe ndang hupikkiri dalan i, holan lawak i ma hupabege-bege.

Inti ni artikel on sebenarnya hera na saotik nostalgia jala naeng curhat saotik. Na maolan mangalului MP3 ni grup lawak Nai Malvinas on di Internet. Apalagi lawak-lawak na jolo. Molo lawak-lawakna na saonnari i godangan setelah tahun 2000an, jala hurang hurasa dibandingkhon tu lawakan na sebelum tahun 2000. Jai, molo ada informasi, songon na share hamu jo ate. Asa boi jo mengkel dohot nostalgia tingki ahu gelleng. Mauliate.

Popularity: 100% [?]

Incoming search terms:

Share on Facebook



Similar Posts:
Random Posts:

Silahkan Meninggalkan Pesan di Sini:

Developed by Tobawebdesign
Entries RSS Comments RSS Log in
Site Meter